ماتريال امتحان البنك الزراعي 2021 | فايل النجاح فى امتحان البنك الزراعي المصري + اسئلة الانترفيو | الملف الشامل لامتحان البنك الزراعي المصري 2021
فايل النجاح فى امتحان البنك الزراعي المصري + اسئلة الانترفيو
المسابقه و التقديم لمده ١٠ أيام من بدايه أنهاره و الإمتحان سهل و بسيط ذي اي امتحان بنك مفيهوش اي حاجه خارقه كلها حاجات درسناها و احنا ف الجامعه علي شويه معلومات عامه و ال محتاج حاجه يكلمني لو اقدر اساعده مش هتأخر.
في البدايه كده البنك الزراعي المصري من أقدم البنوك في مصر و اكبر بنك عنده فروع علي مستوي الجمهوريه تصل الي ١٠٠٠ فرع و هو بنك مملوك بالكامل للبنك المركزي.
* الاختبار هيكون على مرحلتين طبقا للصفحه الرسميه للبنك الزراعي في اخر اختبارات عام ٢٠١٨.
المرحلة الاولى
اختبارات قياس درجة اجادة اللغة الانجليزية
المرحلة التانية
هتتكون من ثلاثة انواع من الاختبارات
· اختبار قدرات
· اختبار المعلومات المصرفية ( مبادئ المعلومات المصرفية ، معلومات الاقتصاد، معلومات المحاسبة )
· اختبار درجة اجادة الحاسب الالى ( الوورد والاكسيل )
بالنسبة للمرحلة التانية الناس الى هتدخل المرحلة دى هما بس الى اجتازوا اختبارات المرحلة الاولى .. بمعنى تانى ان الاختبار الخاص بالمرحلة الاولى والتانية مش فى نفس الوقت .. حضرتك هتروح تمتحن المرحلة الاولى ولو نجحت بيبعتولك رسالة بميعاد المرحلة التانية.
.............
طيب أبدأ اذاكر منين:
الناس اللى جالها رساله بميعاد الاختبار واللى مستنى الرساله هيلاقوا هنا أكبر تجميعة للماتريال والاسئلة اللي بيعملها المعهد المصرفي للبنوك المصرية زي " بنك القاهرة , البنك الزراعي , بنك فيصل الاسلامي , بنك التنميه الصناعيه والعمال المصرى ، ..... " واي بنك بتكون امتحاناته في المعهد المصرفي ....
تعالوا نشوف هنذاكر منين لكل مرحلة ونتكلم عن كل جزء فيها
زى ما قولنا الامتحان عبارة عن مرحلتين :
المرحلة الاولى : اللغة الانجليزية
الامتحان زى ما اتعودنا فى اختبارات المعهد المصرفى هيتكون من 3 اجزاء:
1) الليسننج " الاستماع " :
بيكون عبارة عن مواقف انت بتسمعها وتجاوب علي الاسئلة من خلال اللي سمعته زي بنك مصر كده ، دايما وانت فى بتمتحن امتحان الليسننج عينك في الورقة وودنك مع الكلام ، لانة هيبتدي بموقف علية سؤال وبيبتدي يزيد يعني موقف عليه سؤالين وبتوصل ل 4 اسئلة في الموقف ولازم يكون معاك قلم وانت بتسمع وحط نقطة علي الاجابة علشان الموقف ميخلصش وتنسي الاجابة.
اكيد كلنا محاجين نتدرب على اختبارات الليسننج هتلاقوا على اللينكات دى تدريبات علي الليسننج شبيهة بامتحان البنك الزراعى ..
رابط اختبارListening
من هنا
2) الريدينج " القراءة " :
عبارة عن قطع بتبتدي بقطعة صغيرة و بتبتدي تزيد حاول تنجز فيها علشان مع القراءة بتاخد وقت وهتعرف تتعامل هتلاقي قطعة بتكلم عن الصداع و واحد اخترع حاجة و كده بعد ما تقرا القطعة كويس شوف الاسئلة اللي تحت القطعة وجاوب من القطعة.
3) الجرامر " القواعد " :
دى عبارة عن اسئلة اختياري كلها و شوية قواعد وحروف جر زي بتاع اي بنك يعني ، بمعني اننا هنركز علي منهج 3 ثانوي زي قاعدة IF والكلمات اللي بتيجي بعدها المصدر والكلمات اللي بتيجي بعدها الفعل + ing والازمنة وهكذا
هنذاكر الانجلش منين ؟
هتلاقو هنا كل حاجة تخص الانجلش من قواعد وازمنة وحروف جر الخ ...
لتحميل كل ما يخص اللغة الانجليزية اضغط هنا
من هنا
المرحلة التانية
هتتكون من ثلاثة انواع من الاختبارات
· اختبار قدرات
· اختبار المعلومات المصرفية ( مبادئ المعلومات المصرفية ، معلومات الاقتصاد، معلومات المحاسبة )
· اختبار درجة اجادة الحاسب الالى ( الوورد والاكسيل )
هنذاكر منين للمرحلة التانية:
احنا جمعنالكم معظم ملفات الاقتصاد والمحاسبة والمعلومات المصرفية و اى كيو الى نذاكر منها عشان الامتحااان ... هتلاقوا فى الفايلات دى
- يعنى اية بنوك واية هيا اقسامها
- اساسيات الاقتصاد
- كل ما يخص المحاسبة فى البنوك
- مقدمة فى التسويق
- مبادئ رياضيات التمويل والاستثمار
- كل ما يخص البورصة
- كل ما يخص التحليل المالى
مسائل حسابية
- اكثر من 400 سؤال iq بالاجابة الخاصة بيهم
- مذكرة كيف تجتاز متحانات البنوك
- اكثر من 30 سؤال واجابة فى المحاسبة
- امتحان تحديد مستوى فى المحاسبة المالية
- شجرة العائلة
- تجارب ناس امتحنت واشتغلت فى البنوك
- بالاضافة لتجميعة لاهم أسئلة الانترفيوا
اختبار الحاسب الآلي بيكون عباره عن ٣ او ٤ اسأله
١_ سوال ف ال word بيديك قطعه فيها عربي و إنجليزي تكتبها و خلي بالك من الهمزه و الفصله و التنسيق و هيقولك أعمل بوردر الصفحه حدود يعني أو برواز و خد بالك من لون الخط و حجمه و ف الاخر هيقولك اعمله save ب اسمك.
٢_ سوال ف الويندوز هيقولك غيرلي الخلفيه مثلا غيرلي الساعه ال علي سطح المكتب و هكذا.
3_ سوال ف الاكسيل هيديك مسالة في الاكسل سهلة جداا هيجيبلك جدول في اسماء منتجات واسعارها وعدد الوحدات ، هتكتب الجدول دة في الاكسل وتجيب الناتج التكلفة سعر المنتج في عدد الوحدات وتجيب الناتج الاجمالي باستخدام الدالة sum وكمان هتنسق الجدول وتظبطة وتعمل ميرج سيلز (دمج خلايا ) ويطلب منك انك تظلل اخر خلية بتاعت الناتج وتغير لونها للون اخضر او احمر وكمان هيطلب منك تعمل بوردر وطبعا لازم تبقي فاهم المعادلات وكده لانك هتستخدمها ودا سؤال الاكسل وبردوا هتحفظه في نفس الملف اللي عملته بأسمك
٤_ سوال ف باور بوينت هيقولك مثلا إسم ٣ أو ٤ فروع البنك تحطهم ف سلايد من الباور بوينت و تغير شكلهم و هكذا حاجات سهله جدا جدا و بسيطه و كله موجود ع يوتيوب
اتمني لكم التوفيق والصحة والعافية
شكرا لكم